ဂျပန်နိုင်ငံ စက္ကူခေါက် လေယာဉ်ပစ်ပြိုင်ပွဲ နိုင်ငံမဲ့သျှမ်းနွယ်ဘွား နှစ်ထပ်ကွမ်း ဆုရရှိ

ဂျပန်နိုင်ငံ စက္ကူခေါက် လေယာဉ်ပစ်ပြိုင်ပွဲ နိုင်ငံမဲ့သျှမ်းနွယ်ဘွား နှစ်ထပ်ကွမ်း ဆုရရှိ
တနင်္လာနေ့၊ 21 စက်တင်ဘာလ 2009 သျှမ်းသံတော်ဆင့်
E-mail Print
ထိုင်းနိုင်ငံ၌မွေးဖွားကြီးပြင်းပြီး နိုင်ငံမဲ့ဖြစ်နေသောသျှမ်းနွယ်ဘွား စိုင်းမောင်း ထောင်းဒီးသည် ဂျပန်နိုင်ငံ အိုရိကာမိ စက္ကူခေါက်လေယာဉ်ပစ်ပြင်ပွဲ၌ ဆုနှစ်ခုဆွတ်ခူးရရှိခဲ့သည်။

“၁၉ ရက်နေ့ ပြိုင်ပွဲတုန်းက ၃ ယောက်ပါဝင်တဲ့ မောင်းထောင်းဒီးအုပ်စုက ချံပီယံဆုရတယ်။ ၂၀ ရက်နေ့ ၁၂ နှစ် အောက် တဦးချင်းပြိုင်ပွဲမှာတော့ တတိယဆုရတယ်၊ ကြေးဆုပေါ့၊ ထိုင်း TV ကနေထုတ်လွှင့်တာကြည့်ရတော့ ၀မ်းသာတာပေါ့ဗျာ” - ဟု သူ့ရဲ့ဖခင် စိုင်းညွှန့် က ပြောပါသည်။
[ဂျပန်နိုင်ငံ အိုရိကာမိ၌ ပြိုင်ပွဲဝင်စဉ်]
သျှမ်းပြည်သားရွှေ့ပြောင်းအလုပ်သမားမိဘမှ မွေးဖွားသည့် စိုင်းမောင်း ထောင်းဒီးသည် မိမိစာသင်ကျောင်း မှမြို့နယ် အဆင့်ဆင့် စက္ကူခေါက်လေယာဉ်ပစ်ပြိုင်ပွဲဝင်ပြိုင်ရာ ၂၀၀၈ က ထိုင်းနိုင်ငံ၌ ပထမရရှိခဲ့ပြီး ယခုနှစ် စက်တင်ဘာ ၁၈ မှ ၂၀ ရက်နေ့အထိ ဂျပန်နိုင်ငံသို့ ထိုင်းနိုင်ငံကျောင်းသားလူငယ်များကိုယ်စားသွား ပြိုင်ခဲ့သည်။

“ကျနော် ငါးမန်းခေါင်းနဲ့ ငှက်လေးတွေလို တောင်ပံပါတဲ့ လေယာဉ်ပျံတွေကြည့်ပြီး ဘာကြောင့်စက်ကြီးက ကောင်းကင်မှာ ပျံသန်းနိုင်သလဲဆိုတာ အရမ်းစိတ်ဝင်စားမိတယ်” - ဟု ဂျပန်သို့မထွက်ခွာခင် စိုင်းမောင်းက သျှမ်းသံတော်ဆင့် သို့ ပြောဖူး၏။

ပိုက်ဆံနှင့်စက္ကူများကို ဖြုန်းတီးနေသည်ဟု ဆရာ/ဆရာမများ မကြာခဏဆဲဆိုတတ်သလို ဖခင်ဖြစ်သူ စိုင်းညွန့် ကလည်း- “ဒီစက္ကူခေါက် လေယာဉ်လေးက သူ့ကို အခွင့်အရေးတွေကောင်းကျိုးတွေ ပေးလိမ့်မယ်လို့ မတွေးမိပါ ဘူး”- ဟုပြော၏။
[ဂျပန်နိုင်ငံ အိုရိကာမိမှ ရရှိခဲ့သည့်ဆုတံဆိပ်]
ချင်းမိုင် ဟွေ့ဆိုင်းစာသင်ကျောင်းမှ စတုတ္တတန်း ကျောင်းသားစိုင်းမောင်း၏ မိဘနှစ်ပါးမှာ ထိုင်းနိုင်ငံရောက် ရွှေ့ပြောင်းအလုပ်သမား မှတ်ပုံတင်ကိုင်ဆောင်ထားသူ သျှမ်းပြည်တောင်ပိုင်း နမ့်ဇန်ဇာတိ များဖြစ်သည်။ ထို့ကြောင့် စိုင်းမောင်းမှာ ထိုင်းနိုင်ငံ၌ မွေးဖွားသော်လည်း ထိုင်းနိုင်ငံသားမဖြစ် - နိုင်ငံသားဖြစ်ခွင့်တောင်း ဆိုမည့်အရေးနှင့် ပါတ်သက်၍လည်း စိုင်းမောင်း၏ ဖခင်ဖြစ်သူ စိုင်းညွန့်က - “ထိုင်းနိုင်ငံသားဖြစ်ခွင့် ကျနော် တို့ မတောင်းဝံ့သေးပါဘူး။ ထိုင်းအာဏာပိုင် တွေ ပေးသနားရင်တော့ ကျေးဇူးတင်တာပေါ့ဗျာ” - ဟု သတင်းထောက်များအားပြော၏။

စက်တင်ဘာ ၂၀ ရက် စက္ကူခေါက်လေယာဉ်ပစ်ပြင် ပွဲပြီးဆုံးသဖြင့် ဒီနေ့စက်တင်ဘာ ၂၁ ရက် ညနေပိုင်းတွင် စိုင်းမောင်းထောင်းဒီး ထိုင်းနိုင်ငံ ပြန်လည်ရောက်ရှိခဲ့သည်ဟု သိရပါသည်။




ဂွဏ်းခေါ်-ဇွန် ၂၀၀၉
Download [pdf]