Pages

Friday, February 19, 2010

လျှပ်စစ်နည်းပညာသစ်တစ်ခု ကို ရှမ်းတိုင်းရင်းသား တစ်ဦးမှ တီထွင် အောင်မြင်


အိုဇုန်းလွှာ ပျက်စီးခြင်း၊ ကမ္ဘာ့ ရေနံ နှင့် လောင်စာဆီ ရှားပါးမှု ပြဿနာကို ကာကွယ်ရန် လောင်စာမဲ့ လျှပ်စစ်နည်း ပညာသစ်ကို တီထွင် အောင်မြင် နိုင်ခဲ့ပြီ ဖြစ်ကြောင်း ယင်း နည်းပညာကို တီထွင်ခဲ့သော ဦးစိုင်းသန့်ဇင် က ဇန်န၀ါရီလ ၂၅ ရက်နေ့တွင် ပြောသည်။ "ဒီနည်း ပညာက ဘယ်သူမှ မတီထွင် နိုင်သေး ပါဘူး။ ကျွန်တော်လည်း နှစ်ပေါင်း ၂၅ နှစ်ကျော် ကြာအောင် ငွေကုန်ခံ၊ လူပင်ပန်းခံ၊ မိသားစုကို စွန့်လွှတ်ပြီး ရှာဖွေ တီထွင် ခဲ့တာပါ။ တစ်ကမ္ဘာလုံးမှာ ရှိတဲ့ လူသား တွေရဲ့ လျှပ်စစ် လိုအပ် ချက်ကို ပြည့်သွားရုံ တင် မကဘဲ ပိုတောင် ပိုပါေ သးတယ်" ဟု ၎င်းက ပြောသည်။ လောင်စာမဲ့ လျှပ်စစ် နည်းပညာသစ် ဆိုသည်မှာ လျှပ်စစ် အနည်းငယ်မှ လျှပ်စစ် များစွာကို ချဲ့ထွင်ပြီး ဘွိုင်လာ၊ တာဘိုင်၊ ဂျင်နရေတာ နှင့် တွဲဖက် အသုံး ပြုကာ စွမ်းအား ပမာဏ ကြီးမားစွာ ထုတ်လုပ် နိုင်သော လျှပ်စစ် ထုတ်စက်ကို တီထွင် အသုံးပြုခြင်း ဖြစ်သည်။

အဆိုပါ နည်းစနစ်အတွက် မည်သည့် လောင်စာမှ အသုံးပြုခြင်း မရှိပေ။ ဘွိုင်လာကို ဆူစေပြီး တာဘိုင် နှင့် တွဲကာ ဂျင်နရေတာ တပ်လျှင် မီးစက် ဖြစ်သည်။ ထို ဂျင်နရေတာကို ပန်ကာ တပ်လျှင် သဘောင်္ ပြန်ဖြစ် သွားသည်။ ထို့ကြောင့် ထိုစနစ်နှင့် လောင်စာမဲ့ သဘောင်္များ သွားလာ နိုင်သည်။ တစ်ချိန်က အသုံး ပြုခဲ့သော မီးသဘောင်္များ အတိုင်း သွားလာ နိုင်သည်။

လောင်စာမဲ့ ဆိုသည့် အတွက် ထိုသဘောင်္တွင် မည်သည့် လောင်စာ ကိုမှ တင်စရာ မလိုတော့သည့် အတွက် ၀န်အား သက်သာ သွားမည်။ ကုန်ကျ စရိတ် သက်သာပြီး လုပ်ငန်းပိုမို အဆင် ပြေမည် ဖြစ်သည်။ မီးရထား တွင်လည်း ကျောက်မီးသွေး စက်ခေါင်း ကဲ့သို့ ဘွိုင်လာ စက်ခေါင်း အဖြစ် ပြန်တပ်ဆင် အသုံးချ နိုင်သည်။

"လျှပ်စစ်မီးထွက်ဖို့ လောင်စာအနေနဲ့ ဘာလောင်စာဆီမှ မလိုပါဘူး။ ဓာတ်ဆီ၊ ဒီဇယ်၊ ကျောက်မီးသွေးနဲ့ ဂက်စ်တွေ အသုံးပြုစရာ မလိုဘဲ ကျွန်တော်တီထွင်ထားတဲ့ နည်းပညာထဲကနေ ထွက်တာနဲ့ လျှပ်စစ်တွေဟာ လိုချင်သလောက် ရနိုင်ပါတယ်။ ဒီနည်းပညာကို အခုထိတော့ နာမည် မပေးရသေးဘူး။ လောလောဆယ်တော့ ကျွန်တော်က လောင်စာမဲ့ လျှပ်စစ် စွမ်းအင် နည်းပညာလို့ ပေးထား ပါတယ်" ဟု ဦးစိုင်းသန့်ဇင်က ဆိုသည်။ ဦးစိုင်းသန့်ဇင်သည် ယင်းနည်း ပညာကို၎င်း၏ ဆရာဖြစ်သူ ဦးကျော်ဝင်း ထံမှ အမွေ ဆက်ခံ ခဲ့ခြင်းဖြစ်သည်။

ဦးကျော်ဝင်းသည် လွန်ခဲ့ သည့် နှစ်၃၀ ကျော်ချိန်ကတည်းက အဆိုပါနည်း ပညာကို စမ်းသပ်တီထွင်ခဲ့ကာ လိုအပ်သည့် အချက် လက်များကို ပြန်လည် ဖြည့် ဆည်းနေချိန် ၂၀၀၁ ခုနှစ်တွင် ကွယ်လွန် ခဲ့သည်။ "ဆရာနဲ့ကျွန်တော် စလက်တွဲတုန်းက ၁၉၉၃ ခုနှစ်ကပါ။ အဲဒီအချိန်တုန်းက ဆရာမှာ တပည့် မရှိ သေးပါဘူး။ ဆရာ အဲဒီစက်ကို တီထွင် နေတုန်းပဲ။ ကျွန်တော့်ကိုလည်း သုံးနှစ်လောက် လေ့လာပြီးမှ ဆရာက သူ့အနားကပ် ခွင့်ပေးတာ။ အဲဒီအချိန်ထိ ကျွန်တော်ဟာ ဆရာ့ဆီက နည်းပညာ တွေကို အကုန် မရခဲ့ သေးပါဘူး။ ဆရာ့နည်း ပညာကိုလည်း ကျွန်တော် လုပ်စားဖို့ စိတ်မ၀င် စားခဲ့ဘူး။ ဆရာ့ ပညာ ကိုလည်း ကျွန်တော် လိုက်မမီ ပါဘူး။ ဆရာဆုံးတော့ ဆရာ့ပညာကို အမွေ ဆက်ခံမယ့် လူမရှိ တာနဲ့ ကျွန်တော် အရဲစွန့်ပြီး လုပ်ခဲ့တာ။ကျွန်တော် ထင်မထားပေမဲ့ အောင်မြင်အောင် လုပ်နိုင်ခဲ့ပါတယ်" ဟု ဦးစိုင်းသန့်ဇင် က ပြောသည်။

"ကျွန်တော် ဆရာ့ဆီမှာ လုပ်ကတည်းက ဆရာက နည်းပညာတွေ ပြောပြတယ်။ ကျွန်တော်က တပ်ဆင် ပေးရတယ်။ နောက်ပိုင်း ဒီနည်း စနစ်ရဲ့ လုပ်နည်း လုပ်ဟန် တွေကို ကျွန်တော် အကုန်သိ နားလည်တယ်။ ၀ှက်ဖဲ တွေကိုလည်း သိလာတယ်။ ဆရာမရှိတော့ ပေမယ့်လည်း နောက်ပိုင်း ကိုယ့်ဘာသာ ကိုယ်ဆင် လိုက်တာ လေးလုံး မြှောက်မှာ မီးထွက်တယ်။ အဲ ၁၉၉၉ ခုနှစ်ကတော့ လျှပ်စစ် မီးထွက်တယ်။ ဒါပေမဲ့ အသုံးပြုတဲ့ ပစ္စည်း တွေက သူ့ဟာနဲ့ သူမဟုတ်တော့ မီးထွက် မမှန်ဘူး။ ဒါကို နည်းပညာ တစ်ခုနဲ့ထပ်ပြီး စမ်းသပ် တာရယ် ငွေမရှိတာ တွေကြောင့် ပိုကြာ သွားတာပါ" ဟု ရှင်းပြသည်။

"ဓန အင်အား ပြည့်စုံတဲ့လူကသာ မတည် ရင်းနှီးငွေ ထည့်မယ် ဆိုရင် ဒီ လောင်စာမဲ့ လျှပ်စစ် နည်းပညာ သစ်ကို အခြေခံပြီး နောက်ထပ် နည်းပညာများ ထပ်မံ ပေါ်ထွန်း လာဦးမှာပါ" ဟု ၎င်း က ပြောသေးသည်။

ဦးစိုင်းသန့်ဇင်သည် ကျိုင်းတုံ ဇာတိ ဖြစ်ပြီး အသက် ၅၃ နှစ်ရှိပြီ ဖြစ်သည်။ ငယ်စဉ် ကတည်းက စက်မှုနည်းပညာ ကို စိတ်ဝင်စားပြီး ကားများ၏ စက်ပိုင်း ဆိုင်ရာကို တာဝန်ယူ ပြုပြင် ခဲ့ရသည်။ ကိုယ်ပိုင် ဂျစ်ကားများမှ ဂျစ်ဘီလူး အထိ တီထွင် ထုတ်လုပ် နိုင်ခဲ့သည်။

ယခင်က ကျောက်တွင်း ၄၅ တွင်းနှင့် စိုက်ခင်း ဧက၂၀၀ကျော်ကို ပိုင်ဆိုင်ထားသော ကုမ္ပဏီ ပိုင်ရှင်တစ်ဦး ဖြစ်သည်။ အဆိုပါပိုင်ဆိုင်မှုများကို အဆုံးရှုံးခံကာ ဤနည်းပညာကို ဇွဲ၊ လုံ့လ၊ တို့ဖြင့် အနစ်နာခံ တီထွင် ခဲ့ခြင်း ဖြစ်သည်။

ကမ္ဘာပေါ်တွင် အဓိကအားဖြင့် လျှပ်စစ်ဓါတ်အား ထုတ်လုပ်သော နည်းပညာ(၅) မျိုးရှိသည့် အနက် ယခု လက်ရှိတွင် နိုင်ငံတော်တော် များများ အသုံး ပြုနေသော ရေဖိအားသုံး တာဘိုင် စက်များဖြင့် လျှပ်စစ် ဓာတ်အား ထုတ်လုပ်ခြင်းသည် ရေရှည်တွင် ကုန်ကျ စရိတ် သက်သာ ထိရောက် သော်လည်း စတင် တည်ဆောက် ချိန်တွင် တည် ဆောက်စရိတ် အလွန် ကြီးမားသည်။

လောင်စာအတွက် အခက်ခဲမရှိ သော်လည်း ရေရင်းမြစ် ပေါကြွယ်ဝသည့် သဘာဝမြစ်၊ချောင်း၊ ရေတံခွန် များ ရှိနေရမည့် အပြင် ရေအား လျှပ်စစ် ထုတ်လုပ် နိုင်မည့် ရေမြေသဘာဝ ပထ၀ီ အနေထား ကန့်သတ် ချက်များ၊ ရေအား လျှပ်စစ် ထုတ်လုပ်မည့် နေရာနှင့် မိုင်ပေါင်း များစွာ ကွာဝေး မှုကြောင့် တည်ဆောက် ထားသည့် နေရာနှင့် အနီးဝန်းကျင် မြို့များသာ ပိုမို သုံးစွဲ နိုင်သည်။

အချို့ မြို့များကို လျှပ်စစ် ပေးရာတွင် မိုင်ပေါင်း များစွာ ဝေးကွာ မှုကြောင့် တည်ဆောက် စရိတ် ကြီးမားကာ လိုသလောက် မရနိုင်ပေ။ လောင်စာမဲ့ လျှပ်စစ် ထုတ်လုပ် ခြင်းသည် သဘာဝ ဘေးဆိုးများ၊ သဘာဝ ပတ်ဝန်းကျင် လေထု ညစ်ညမ်း မှုနှင့် ဆူညံ မှုတို့ဘေးမှ ကင်းဝေးသည်။

ယခုလောင်စာမဲ့လျှပ်စစ်မှာ အဆိုပါ နည်းစနစ်များထက် ငွေကုန်ကြေးကျ သက်သာကာ မည်သည့် အားနည်းချက် မျှမရှိပေ။ ပေ ၁၀၀ ထ ၅၀ ရှိသည့် နေရာတွင် လျှပ်စစ် ထုတ်ကာ တစ်မြို့လုံးကို ၂၄နာရီ ပတ်လုံး မီးအလင်း ပေးနိုင်သည်။ ၁မဂ္ဂါဝပ်တွင် ၀ပ်တစ်သန်းရှိ သည့်အတွက် ၀ပ်သန်း နှစ်ဆယ် ဆိုပါက မြို့လေး တစ်မြို့ကို မီးအလင်းပေး နိုင်သည်။

အဆိုပါစက်မှာ ရှိရင်း စွဲပင်ရင်းမှ ထွက်လာသော အားကို ၁၀ ဆပို ထုတ်လုပ် မည်ဖြစ်သည်။ ဥပမာ ၁၂ ကီလိုဝပ် ရှိ မီးစက် အင်ဂျင်မှ ရှိရင်းစွဲ လျှပ်စစ်ကို ယူပြီး ၁၀ ဆပွားလိုက်လျှင် ကီလိုဝပ် ၁၂၀ ထွက်သည်။ ၀ပ်အားဖြင့် တွက်လျှင် ရှိရင်းစွဲ ၀ပ်၁၂,၀၀၀ကနေ ၀ပ် ၁၂၀,၀၀၀ ထွက်သည်။ ထိုထဲမှ ၀ပ် ၅၀,၀၀၀ကို ကောင်းကောင်း အသုံးပြု နိုင်သည်။

ယခုလက်ရှိ နမူနာတပ်ဆင်ထားသော လျှပ်စစ် ထုတ်လုပ်သည့် စက်မှာ Nichrome (နီကရုန်း) ကြိုးများ တပ်ဆင်ထားသည်။ ယင်းကြိုးများမှာ တစ်ကြိုးလျှင် လျှပ်စစ်ဓာတ်အား ၃,၆၀၀ မှ ၄,၈၀၀ အတွင်း ထွက်ရှိသည်။ အဆိုပါ ကြိုးမျိုး ၁၂ချောင်း ဆင်ထား သည်။ ထိုအတွက် လိုအပ်သည့် လျှပ်စစ်ကို 12KV ရှိသည့် မီးစက်မှ အားကို ဖန်တီး ယူထားခြင်း ဖြစ်သည်။

12KV မီးစက်ကိုနှိုးပြီး တီထွင်ထားသည့် နည်းပညာ ပုံးထဲမှ ဖြတ်ကာ ဘွိုင်လာ၏ လိုအပ်သည့် နီကရုန်း ကြိုးများ ဆီသို့ ပေးပို့မည် ဖြစ်သည်။ ဥပမာ ဘွိုင်လာမှ နီကရုန်းကြိုး အချောင်း ၁၀၀ လိုလျှင် အချောင်း ၁၅၀ ဆင်ထားမည် ဖြစ်သည်။ တစ်ချောင်း ပျက်လျှင် ထို၅၀ထဲမှ တစ်ချောင်းကို Onလိုက်မည် ဖြစ်သည်။ထို့အတွက် စက်ကို ရပ်ဖို့ မလိုတော့ပေ။

ဘွိုင်လာရှိ PSI ဘားက အရှိန် ၁၂၀ ရောက်မှ ယန္တရားလည်မည်ဆိုပါက ၁၂၀ လွှတ်ပြီး ၂၀၀နှင့်မှ ရုန်းပါက ၂၀၀လွှတ်မည်ဖြစ်သည်။ ဘားပွင့်မှသာ ရေနွေးငွေ့ တာဘိုင် လည်မည် ဖြစ်ပြီး ဖိအားဖြင့် ဒလက်များ လည်စေကာ လျှပ်စစ် ထုတ်ယူ မည်ဖြစ်သည်။

"ပထမလျှပ်စစ်ပေးထားတဲ့ 12KV ကိုလည်း ယန္တရားကြီး လည်သွားတာ နဲ့အနားပေးလို့ရပါပြီ။ Recycle ပြန် သုံးတဲ့သဘောပါ"ဟု ဦးစိုင်းသန့်ဇင် က ၄င်းလုပ်ငန်းခွင်ကို ရှင်းပြသည်။

မူလပင်ရင်း ရှိရင်းစွဲမှ 12KV မှ ၀ပ် အား၁၂,၀၀၀သာ ရှိသည်။ ထို မီးစက် အင်ဂျင်မှ မူလ လျှပ်စစ်ကို ၀ပ်၁၀,၀၀၀ လောက်ယူပြီး ဖန်တီးထားသောစက်ထဲ ထည့်ကာ ဆင့်ပွားနည်းပညာဖြင့် ပြန်လည် ထုတ်လုပ်လိုက်သည့်အခါ မီးများမှာ အဆိုပါ နီခရုန်း ကြိုး၁၂ ချောင်းမှ တစ်ချောင်းလျှင် ၀ပ် ၃,၆၀၀နှင့် ကြိုး ပေါင်း ၁၂ချောင်း စုစုပေါင်း ၀ပ် ၄၃,၀၀၀အား ပြန်လည် ထုတ်လုပ်နိုင်ကြောင်း သိရသည်။

"မကြာခင်မှာ ကျွန်တော် စက်ရုံထောင်မယ်။ ဒီနည်းပညာနဲ့ ကမ္ဘာ့မူ ပိုင်ခွင့်ကို လှမ်းမယ်။ မြန်မာနိုင်ငံကို အကျိုးပြုမယ်။ ဒါဆို ကျွန်တော့် အခန်း ကဏ္ဍတွေ ပြီးဆုံးသွားပြီ။ ဒီထက်ပို ကောင်းအောင်တော့ နောင်လာနောင်သားတွေကိုဘဲ အားထားရတော့မှာပါ" ဟု ဦးစိုင်းသန့်ဇင်ကဆိုသည်။

မြန်မာနိုင်ငံတစ်နိုင်ငံလုံး၏ လျှပ်စစ် ဓာတ်အားသုံးစွဲမှုမှာမဂ္ဂါဝပ်၁,၅၀၀ရှိပြီး အနည်းဆုံး မဂ္ဂါဝပ် ၁,၂၀၀လောက် ရရှိလျှင် အဆင်ပြေ သည်ဟု သိရသည်။ ယခုလက်ရှိတွင် မြန်မာနိုင်ငံတွင် အမှန် တကယ်လျှပ်စစ်ရရှိမှုမှာ အနည်းဆုံး ၃၅၀ မဂ္ဂါဝပ်မှ အများဆုံး ၅၈၀မဂ္ဂါဝပ် ထိသာရှိသည်။ ထို့ကြောင့် မြန်မာ တစ်နိုင်ငံလုံး လိုအပ်သည့် မဂ္ဂါဝပ် ထက် အမှန် တကယ် သုံးစွဲမှုမှာ သုံးပုံ တစ်ပုံ သာရှိသည်။

လောင်စာမဲ့လျှပ်စစ်နည်းပညာဖြင့် ထုတ်လုပ်မည်ဆိုလျှင် မြို့တစ်မြို့တွင် မဂ္ဂါဝပ် ၄၀ လိုသည် ဆိုပါက ပေ၁၀၀ ၀န်းကျင်ခန့်ရှိသည့် နေရာတွင် ၂မဂ္ဂါ ၀ပ်ရှိသည့် စက်အလုံး၂၀တပ်ဆင်ထားပါက ၄၀မဂ္ဂါဝပ်ရရှိမည်။ သို့ဆိုလျှင် မြန်မာတစ်နိုင်ငံလုံး လို အပ်နေသည့် လျှပ်စစ်ကို ယခုကဲ့သို့ တီထွင် ဆပွားရင်း အသုံးပြုသွားမည် ဟုဆိုသည်။

ယင်းနည်းပညာ၏ အောင်မြင်မှု အခြေအနေကိုမှ ပရော်ဖက်ဆာ ဒေါက်တာစိန်မြင့်တို့ အဖွဲ့က ဇန်န၀ါရီ လ၁၉ရက်နေ့တွင် လာရောက် လေ့လာပြီး နည်းပညာမှန်ကန်သဖြင့် ဦးစိုင်းသန့်ဇင်နှင့် ပူးပေါင်းလိုကြောင်း ကမ်းလှမ်းထားသည်။

"ဒီပညာရှင် လောကမှာ ဘယ်လိုမှ မဖြစ်နိုင်တာကို ဖန်တီးနိုင်ခဲ့တယ်။ လျှပ်စစ်မှာလော့စ်ရှိတယ်။ ကျွန်တော်တို့က သီအိုရီ သဘော အရဆို သူ့ကို ဘယ်လိုမှ လက်ခံလို့ မရဘူး။ ဒါကလည်း သူတီထွင်ထားတာ အောင်မြင်ခဲ့လို့သာ။ သူအခုချိန်မှာ ဒီလို လုပ်ချင်ပါ တယ်လို့ ပြောရင် သူ့ကို စိတ်မှ ကောင်းသေးလားလို့ လူတွေ အထင်သေးကြမှာ အမှန်ဘဲ။ သူလည်း မအောင်မြင်တုန်းကတော့ ကြုံခဲ့မှာပါ။ အခုတော့ သူဒီနည်းပညာကို အောင်မြင်သွားပြီ" ဟု တရုတ်ပညာရှင် တစ်ဦးက ပြောသည်။     
မန်းသားလေး
၁၈ . ၂ . ၂၀၁၀ l MM  < ဟံသာဝတီ>မှကူးယူဖေါ်ပြထားပါသည်

မြန်မာ နိုင်ငံတွင် အကြီးမားဆုံး ဖြစ်လာမည့် လန့်ဆေးခမ်း ဘွဲ့တော်ရ ဝါးနှီး လက်ရာ ရုပ်ပွားတော်ကြီး ကချင် ပြည်နယ် တွင် ဖူးတွေ့ နိုင်ပြီ



ဗုဒ္ဓဘာသာကို ယုံကြည် ကိုးကွယ်ကြသော မြန်မာနိုင်ငံ၌ မြတ်စွာ ဘုရား ရှင်၏ လက္ခဏာ တော်ကြီး၊ လက္ခဏာ တော်ငယ် အသွယ်သွယ် တို့ကို ရုပ်လုံးကြွ ထင်ရှား စေပြီး စေတနာ ထက်သန်စွာ ကိုးကွယ် ညွတ်တွား ကြစေရန် မြတ်ဗုဒ္ဓ၏ ရုပ်တုတော်များကို ပုံစံ အမျိုးမျိုး၊ ထုလုပ် ကိုးကွယ်မှု လက်ရာ အစုံ အလင် တို့နှင့် ခေတ်အဆက်ဆက် ကိုးကွယ် ခဲ့ကြသည်။ ထိုသို့ ကိုးကွယ် ပူဇော် ကြရာ၌ ကျောက်သား ရုပ်တု၊ အင်္ဂတေ ရုပ်တု၊ အုပ်ခဲရုပ်တု၊ သစ်သားရုပ်တု၊ သံရုပ်တု၊ ကြေးရုပ်တု၊ ဖလ်ရုပ်တု၊ ဆေးရုပ်တုဟု ရုပ်တုတော် ပုံစံ အမျိုးမျိုး ရှိခဲ့သည်။ ထိုသို့ ခေတ်ကာလ အဆက်ဆက် မိမိတို့ တတ်စွမ်း သမျှသော ရုပ်ဝတ္ထု များနှင့် အမြတ်တနိုး ကိုးကွယ်ခဲ့ကြမှု အမျိုးအစား တွေထဲမှ တစ်မျိုး တစ်ဘာသာ ထွင်းဖောက်ပြီး ဝါးနှီး များနှင့် ရက်လုပ်၍ ဗုဒ္ဓပုံတော်တုလုပ် ကိုးကွယ်လာမှုမှာ ဆယ်စုနှစ်တာ ကာလအတွင်း ထင်ရှား လာခဲ့သည်။


မြန်မာပြည် အရပ်ရပ် မှာပင် ဝါး မျိုးစုံတို့ လွယ်လင့် တကူ ရရှိသည်နှင့် အညီ ဝါးများကို အချိန်ပေးပြီး စုဆောင်းလျက် နှီး ဖြာ၍ ဝါးနှီးနှင့် အဆန်း တကြယ် ရက်လုပ် ကိုးကွယ်လေ့ ရှိသော နှီးဘုရား လက်ရာတို့ တစ်ခေတ်ဆန်းလျက် ရှိလာ ခဲ့သည်။ အနယ်နယ် အရပ်ရပ်တွင် လွယ်လင့် တကူ ရှာဖွေ ရရှိ နိုင်သည့် ဝါးနှီးများ နှင့်ရက် လုပ်(သွန်းထု) ကိုးကွယ် မှုများ တွင်ကျယ်လာ ခဲ့ရာမှ ကချင်ပြည်နယ်၊ အင်းတော်ကြီးနယ် တွင် မြန်မာ နိုင်ငံ၌ ထုထည် အကြီးဆုံးဟု မှတ်တမ်းတင် နိုင်တော့မည့် လန့်ဆေးခမ်း ဘွဲ့တော် အမည် ရှိသော ဗုဒ္ဓ ရုပ်ပွားတော် မြတ်ကြီး တစ်ဆူ (၂ဝဝ၉) ခုနှစ်အတွင်း သွန်းထု ပြီးစီး ခဲ့ရသည်။


အင်းတော်ကြီး အနီး၌ရှိ သော'နန့်မီးလောင်' ရွာတွင် ရှမ်းတိုင်းရင်း သားဖြစ်သော ဦးဝိမလဗုဒ္ဓိ (ခ) လုံးအွန်ဆိုင် (ဘုန်းကြီးဘွဲ့တော်မဟုတ်ပါ) နှင့် အဖွဲ့က အချိန်ယူ၍ သွန်းထု ကိုးကွယ် ခဲ့ကြရာမှ ယခု အခါ ဗုဒ္ဓ၏ ရုပ်ပွားတော် မြတ်ကြီး အသွင် သဏ္ဌာန် ထင်ရှား ပီပြင် ခဲ့ရပြီး ဖြစ်ရာ (၂ဝ၁ဝ) ပြည့်နှစ်တွင် ဗုဒ္ဓဘိသေကခေါ်သော အနေ ကဇာတင် မင်္ဂလာပွဲကြီးကို အကြီး အကျယ် ဆင်နွှဲ ကျင်းပ နိုင်ရန် ပြင်ဆင်လျက် ရှိသည်ဟု ဆရာတော် ဦးကုဏ္ဍလမှ ပြောပြသည်။


လန့်ဆေးခမ်းဘွဲ့တော်ရ ဝါးနှီးဘုရား မှာ ဝါးပိုး နွယ်ဝါး တွေနဲ့ စနစ် တကျစီမံ သွန်းလုပ်ခဲ့ပြီး ဉာဏ်တော်(၁၈)ပေအရွယ်ရှိ သဖြင့် မြန်မာနိုင်ငံတွင် တွေ့ရှိ ရသော ဝါးနှီး လက်ရာ ရုပ်ထုတော်များ အကြီးဆုံး လက်ရာ ဖြစ်လာ တော့မည်။ အင်းတော်ကြီး ဒေသသည် အထက်မြန်မာနိုင်ငံ၏ တန်ခိုးကြီး သော ရွှေမဉ္ဇူ (ရေလယ်)ဘုရားကြီး ကြောင့် တန်ခိုး ဂုဏ်ရှိန် ကြီးမားလျက် ရှိရာ ယခုအခါ ပြီးစီး နေပြီ ဖြစ်သော လန့်ဆေးခမ်း ဝါးနှီး ဘုရားကြီး ကလည်း ဘုရားဖူး လာရောက်သူ များအား ဗဟုသုတ နှင့်ဒေသန္တရ အတွေ့ အကြုံ တစ်မျိုး တစ်ဖုံ ရရှိ စေလိမ့်မည်ဟု ကချင်ပြည် နယ်ဒေသခံ များက ပြောဆိုလျက် ရှိကြသည်။

သက်နိုင်ထွန်း(နဘား)

Saturday, February 13, 2010

အဖေ

အဖေ

Saturday, February 13, 2010


၁။
“မိန်းမရေ၊ --ဧည့်ခန်းထဲက တိုင်မှာချိတ်ထားတဲ့ နာရီ မရှိတော့ပါလားကွ”
“ရှင့်သား ဖြုတ်ယူသွားတယ်လေ၊ သူ့ အိမ်မှာ နာရီ မရှိလို့တဲ့”
၂။
“ မိန်းမရေ---ကြောင်အိမ်ထဲက ဓါတ်ဗူးအသစ်တစ်လုံး မတွေ့ပြန်ဘူး၊ မင်းဘယ်သူ့ပေးလိုက်သေးလဲ။”
“ရှင့်သားလာယူသွားတာပဲလေ၊ သူ့အိမ်မှာ ဓါတ်ဗူး လိုနေလို့တဲ့။”
“ တောက်--ဒီကောင် ဒို့ကို ဒုက္ခပေးပေါင်းများလှပြီ၊ ဘွဲ့ရ ပညာတတ်ဖြစ်အောင် ငွေအကုန်ခံ၊ဒုက္ခတွေခံပြီး သင်ပေးခဲ့ပြီးပြီ။
အခု အိမ်ထောက်ကျပြီးတော့လည်း အိမ်ကပစဏည်းတွေ တစ်ခုပြီးတစ်ခု လာယူနေတယ်။ ကျောင်းဆရာ လုပ်နေပြီး ဘာမှ မိဘအပေါ် မသိတတ်တဲ့ကောင်၊ သိအောင်တော့ သွားပြောဦးမှပဲ”
၃။
ကိုတင်မောင်တစ်ယောက် တိုက်ပုံအင်္ကျီ ကောက်စွပ်ပြီး ရပ်ကွက်ရုံးကို သွားမလို့ လုပ်တုန်း ဒေါသဖြစ်ပြီး သူ့သားအိမ်ဘက် ထွက်လာခဲ့တယ်။
သားအိမ်ရှေ့ကိုရောက်တယ်ဆိုရင်ပဲ သားလုပ်သူက အင်္ကျီအဖြူ လည်ကတုံး ၀တ်ပြီး
အိမ်ပေါ်က ဆင်းလာတာတွေ့ ရတယ်။
“ဟေ့ကောင်---မင်းကို ငါပြောစရာရှိလို့ လာခဲ့တာကွ၊ အခု မင်းက--ဘယ်ကို သွားဦးမလို့လဲ”
“ရပ်ကွက်ဓမ္မာရုံမှာ ဟောပြောပွဲရှိလို့ ဖေဖေ၊ ပြောစရာရှိရင် နောက်မှ ပြောပါလား။ အရေးကြီးနေလို့ပါ၊”
သားဖြစ်သူရဲ့ စကားအဆုံး ကိုတင်မာင် သူ့သားကို သေသေချာချာကြည့်လိုက်တဲ့အခါ
သြော်--ဒီကောင့်မှာ တိုက်ပုံ အင်္ကျီမှ မရှိပဲကိုး ဟုရေရွတ်ပြီး---
“ ဟေ့ကောင်--ဟောပြောပွဲ သွားမှာဆိုရင် တိုက်ပုံပါမှ ကောင်းတာကွ--ရော့။
ငါ့တိုက်ပုံအင်္ကျီဝတ်သွား။ ကျောင်းဆရာ ဆိုတာ တိုက်ပုံအင်္ကျီနဲ့မှ ကြည့်ကောင်းတာကွ” ဟုဆိုကာ သူဝတ်လာသော တိုက်ပုံအား ချွတ်ပေးလိုက်ပါတော့သည်။
၎။
“ကိုတင်မောင် --ရှင်သွားတုန်းက တိုက်ပုံ အင်္ကျီနဲ့ပါ၊ အခု ပြန်လာတာ တိုက်ပုံလည်း မတွေ့တော့ပါလား။ ဘယ်မှာများ မေ့ကျန် ရစ်ခဲ့ပါလိမ့်။ ”
“မင်းသားကွာ--ဓမ္မာရုံမှာ ဟောပြောပွဲရှိတယ်ဆိုလို့”
“အလိုတော်--ရှင့်သားက ခန္ဓာကိုယ်ပေါ်က တိုက်ပုံတောင်ချွတ်ယူသလား၊ ဒင်းဆီရောက်သွားရင် ပြန်မရတော့ဘူးဆိုတာ ရှင် လည်း သိသိကြီးနဲ့”
“မင်းပြောလည်း ခံရမှာပဲ မိန်းမရယ်၊ ဒါပေမယ့် အခုဟာက သားကချွတ်ယူတာ မဟုတ်ပါဘူး။ ငါကိုယ်တိုင်က ကျေကျေ နပ်နပ် နဲ့ချွတ်ပေးလိုက်တာပါကွယ်။”
ကိုတင်မောင်ရဲ့ စကားအဆုံး ဇနီးဖြစ်သူက
“သြော်--ကိုတင်မာင်၊ ကိုတင်မောင်--ရှင် ဖခင်ကောင်းတစ်ယောက် ပီသပါပေတယ်တော်” ဟုရေရွတ် လိုက်ပါတော့သည်။
သက်နိုင်ဦး (မြ၀တီ)
မဟေသီ ၂၅ အထူးထုတ်မှ

Thursday, February 11, 2010

ပြည်သူချစ်သောမင်းသားကြီး ကိုကျော်သူ့ ရှင်းတမ်း (၁)


Friday, February 12, 2010

ရှက်ဖို့ ကောင်းလှသည် . . . ။
ကျွန်တော်တို့ မြန်မာလူမျိုးတွေ . . . အယူသီးပုံ၊
အစွဲကြီးပုံများ တလွဲ ဆံပင်ကောင်းမှုများပင် ဖြစ်တော့ သည်။
ဘာသာခြားများ၊ တိုင်းတစ်ပါးမှ နိုင်ငံခြားသားများသိလျှင်
အတော့်ကို ရယ်စရာကြီးဖြစ်နေမည်။
မြန်မာ လူမျိုးများ ကမ္ဘာတွင် ဟာသလူမျိုးဖြစ်ကုန်မည်ကို စိုးရွံ့မိသည်။
၂၀၀၁ ခုနှစ်၊ ဇန်နဝါရီလ (၁) ရက်နေ့မှစ၍ အယူသီးမှု၊ အစွဲအလန်းကြီးမှုများကို
ကျွန်တော်တို့ တိုက်ဖျက်လာသည်မှာ ယခုအချိန်ထိပင်။
သို့သော် ကျွန်တော်တို့နှင့် ယခုတိုင် အချို့သောသူတို့သည် ပြဒါးတစ်လမ်း . . . သံတစ်လမ်း၊ ဆန့်ကျင်ဘက် အနေအထားပင် ဖြစ်နေသေးသည်။
သူတို့ ထံမှ တီးတိုး ပြောသံများ၊ အကြံဥာဏ် ပေးသံများ၊ ဆရာကြီး လုပ်သံများ၊
အတင်းအဖျင်း ပြောသံများ၊ ရှုတ်ချသံများ၊ မချေမငံ ပြောသံများ စသည့် လူမှုရေး
တိုက်ခိုက်သံ၊ အယူသီးမှု စကားလုံးများ
ယနေ့တိုင် မကြာမကြာ ကြားနေရဆဲပင် ဖြစ်သည်။
ရှေးလူကြီးများ စကားမပယ်ဖျက် ကောင်းဘူးတဲ့ . . .
ဒါက သူတို့ နောက်ဆုံး အနိုင်ယူတဲ့ စကားလုံး။
ဒီတော့ . . . ကျွန်တော် ရှင်းပြီ၊ ရှင်းရပြီ . . .
ရှင်းပြီ ဆိုသော်ငြားလည်း ကျွန်တော် ရေးခဲ့ဘူးသော ‘ခုတ်မယ်၊ ထစ်မယ်၊ ပါးပါးလှီးမယ်’
ဟူသောစာစုမှ ကျွန်တော်တို့၏ လူမှုရေးလမ်းပြ ကြယ်ဖြစ်သော
ဆရာတော်ကြီးဘဒ္ဒန္တဦးတိက္ခ၏ ဟောကြားချက် စကားများမှ စရတော့မည်။
အမျိုး၊ ဘာသာ၊ သာသနာ အတွက် မြတ်စွာဘုရားရှင်သည်
ကောင်းတာ လုပ်လျှင် ကောင်းကျိုး ပေးမည်။ မကောင်းတာ လုပ်လျှင် မကောင်းမှုများ ရမည် ဟူ၍ ဟောကြားခဲ့သည် မဟုတ်ပါလား . . . ။
ဗုဒ္ဓဘာသာ မြန်မာ လူမျိုးများသည် ရတနာသုံးပါးကို
ကြည်ညို လေးစား ဦးခိုက်ကြသော်လည်း
ကံနှင့်ပတ်သတ်၍ ယုံကြည်မှု အားနည်းမှုများကို တွေ့ရသည်။
လူအများစုသည် နာရေး ကိစ္စများကို အယူသီး ကြသည်။
နာရေးကြောင့် စီးပွားပျက်တယ်၊ လူသေ တတ်တယ်၊ ထိခိုက် နစ်နာမယ်၊
ပျက်စီး ဆုံးရှုံးတတ်၊ နိမိတ် မကောင်းမှုတွေ ဖြစ်တတ်တယ် ဟူ၍
ရှေးဘိုးဘေး ဘီဘင် လက်ထက် ကတည်းက
အယူသီးမှုများ၊ အရိုးစွဲမှုများ၊ အမှားစွဲမှုများ ရှင်သန်လာခဲ့ကြသည်။
လူတော်တော် များများသည် အဆင်း၊ အနံ့၊ အသံ၊ အရသာ၊ အထိအတွေ့ ဟူသော
အာရုံ ငါးပါးထဲတွင် နစ်မွန်း နေကြသည်။
မိမိကိုယ် မိမိတို့ သုဘ (သို့မဟုတ်) မင်္ဂလာဟု သတ်မှတ် နေကြသည်။
အမှန်မှာ . . . ရှင်သူ၊ သေသူတို့ အားလုံးသည် အသုဘများ
(သို့မဟုတ်) အမင်္ဂလာများပင် ဖြစ်တော့သည်။
အဘယ့်ကြောင့် ဆိုသော် . . .
ရေမချိုးဘဲနှင့် ဆယ်ရက်ခန့် နေကြည့်လျှင် မိမိခန္ဓာမှ အပုပ် နံ့များထွက် လာမည်။
ဒွါရ ခြောက်ပါးမှ အနံ့အသက် မျိုးစုံ ထွက်နေတော့မည်။
ရုပ်တရား၊ နာမ်တရား အားလုံးသည် အသုဘချည်းပင် ဖြစ်သည်။
မည်သည့် အရာမှ တည်မြဲမှုကို မဆောင်နိုင်ချေ။
မြတ်စွာ ဘုရားသည် လူမသာကို အိမ်ထဲသို့၊ ရပ်ကွက်ထဲသို့ သွင်းလျှင်
‘ခိုက်သည်’ ဟူ၍ မဟောကြားခဲ့ပါ။
စဉ်းစားစေချင်သည် . . .
ရပ်ကွက်၊ အိမ်ပြင်ပတွင် ဆုံးသွားပါက (ရပ်ကွက်) အိမ်ထဲသို့
အသွင်းမခံကြ၊ သွင်းလျှင် ရွာနာတယ်၊ အရပ်နာတယ်၊ အိမ်သူ အိမ်သားတွေ
ခိုက်တယ်ဟူ၍ မည်သည့် ကျမ်းဂန်တွင်မှ မပါရှိပါ။
သို့သော် အားလုံး နီးပါး အယူသီးမှုများက လွှမ်းခြုံနေမှုကို ခံနေရသည်။
ဒါဆို . . . ကျွန်တော်မေးတော့မည်။
လူမသာကြတော့ ရပ်ကွက်ထဲ၊ အိမ်ထဲ မသွင်းကောင်းဘူးတဲ့ . . .။
အဲဒါဆိုလျှင် တိရစ္ဆာန် မသာများ ကြတော့
ဘာဖြစ်လို့ အိမ်ထဲ သွင်းကြ သနည်း။
သက်ရှိ လောကကြီးထဲတွင်
လူသာလျှင် အမြတ်ဆုံး ဖြစ်သည်လို့ ပြောကြပြီး မည်သည့် အတွက် . . .
နံနက်ဖက် ဈေးကပြန်လာလျှင် သူ့ထက်ငါ အလုအယက်
ငါကတော့ ကြက်သား စားနိုင်တယ် . . .
ငါကတော့ဝက်သားစသဖြင့် အပြိုင်အဆိုင် ဈေးဝယ်လာပြီး
ဂုဏ်ယူဝင့်ကြွားစွာ နေအိမ်ထဲသို့ တိရစ္ဆာန် မသာများကို ထည့်ပြီး . . .
ခုတ်ထစ် ဆေးကြော၊ ကြော်လှော်၊ ချက်ပြုတ်ပြီး
မိမိတို့ရဲ့ ပါးစပ်ထဲသို့ တိရစ္ဆာန် မသာများကို ဘာကြောင့် ထည့်ကြ သနည်း . . . ။
အရိုးများကို နူးနေအောင် ချက်ပြုတ်၍ ဝါးကြသည် မဟုတ်ပါလား။
ဒါကြောင့် . . .
လူ့ဝမ်းဗိုက်သည် တိရစ္ဆာန်တို့၏ သချိင်္ုင်း
လူ့ပါးစပ်သည် တိရစ္ဆာန်တို့၏ မီးသဂြိင်္ုလ် စက်ပင် ဖြစ်တော့သည်။
တိရစ္ဆာန် မသာကျတော့ မိမိတို့ ဝမ်းဗိုက်ထဲသို့ ထည့်ပြီး လူမသာကျတော့ အိမ်ထဲ
(ရပ်ကွက်) ထဲသို့အသွင်းမခံမှု တို့သည် အဆိုးဝါး ဆုံးသော အယူသီးမှု၊
မိစ္ဆာဒိဋ္ဌိ အယူဝါဒမှ ဆင်းသက်လာမှုပင် ဖြစ်တော့သည်။
တစ်ဖန် လူသေသွားလျှင် အိမ်နောက်ဖေးသယ်သွား၊ တံစက်မြိတ်ရေ လက်ပြန်ရေနှင့် ရေချိုးပေး၊ အဝတ် အစားဝတ်၊ သနပ်ခါးလိမ်း၊ ဆံပင်ထုံးပေး၊
နှုတ်ခမ်းနီဆိုးပေး၊ ပန်းပန်ပေးနှင့် သေသွားမှ ကြင်နာပြ၊ ဂရုစိုက်ပြနေတော့သည်။
အလောင်း လှအောင် လုပ်တာတဲ့။ ပြုံးပြုံးလေးသေမှ အလောင်းလှတာတဲ့။
နောက်မှ ခေါင်းက ဆံပင်ကိုဖြတ်၊ ခြေထောက် နှစ်ချောင်းကို တုပ်တော့သည်။
အိမ်မှာ နှစ်ညတောင် ထားရဦးမှာဖြစ်တဲ့ အတွက်တဲ့ဗျာ . . . ။
သေတာတောင် အချုပ်အနှောင်ခံရတဲ့ဘဝ . . . ။
ထို့နောက် သေသူနှင့် ပါးစပ်ထဲ မတ်စေ့ (ယခုခေတ်တွင်တော့ မရနိုင်တော့) ထည့်သည့်
‘ကူးတို့ခ’ ဟုဆိုကြပြန်သည်။
အသက်မရှိသော ခန္ဓာနှင့် ဘယ်ကားကို တစ်မတ်ပေးစီး၍ ဘယ်ကိုသွားမည်နည်း . . . ။
တစ်ချို့က ပါးစပ်ထဲ ထည့်ထားသည့် မတ်စေ့ကို အတင်းနှိုက်ပြန်သည်၊
Lucky ကောင်းတယ်တဲ့၊ ငွေပွားတယ်တဲ့လေ။
အလောင်းးကို အိမ်ကထုတ်တော့ . . . ခြေကမထုတ်ရဘူး၊ ခေါင်းကမထုတ်ရဘူး၊
တံခါးဘောင်နဲ့ မထိရဘူး၊ အိမ်နံရံကို မထိရဘူး၊ လှေကားက မဆင်းရဘူး စသဖြင့်
‘ဘူး’ များပဲ့တင်ထပ်နေတော့သည်။
နောက်ထပ် ကြေးစည်ထု၊ ကနားဖျင်းဖျက်ခြင်း လုပ်တော့သည်။
နောက်နိဗ္ဗာန်ယာဉ်ပေါ်သို့ အလောင်းတင်သော် ရေအိုးကို ခွဲတော့သည်။
မင်းနဲ့ငါတို့ အိုးစားကွဲပြီ၊ အိမ်ပြန်မလာနဲ့ ဟုဆိုသည်။
နောက်ငိုကြ၊ ယိုကြ၊ မသွားရဘူး၊ ခေါ်မသွားရဘူး၊ ပစ်သွားပြီလား စသဖြင့်
အယူစွဲ၊ အယူသီးမှုများ လွှမ်းခြုံနေကြသည်။
သုဿန်ရောက်သော် အခေါင်းထဲမှ ပန်းတစ်ပွင့်ကိုယူ၍ ယူသည့်လူက စကားမည်သူ့ကိုမျှမပြောတော့ချေ။
သေသူရဲ့လိပ်ပြာကို ပြန်ခေါ်တာတဲ့။
အိုးစားကွဲ လိုက်ကြ၊ ပြန်ခေါ် လိုက်ကြ၊ ခြေထောက်ကို တုပ်နှောင် လိုက်ကြ၊
ငိုလိုက် ကြနဲ့ သေသူကို မီးသဂြိင်္ုလ် စက်ထဲသို့ ထည့်မည့်အစား ထိုသူများကို
စိတ်ရောဂါ အထူးကုဆေးရုံသို့ပင် ပို့ရမလို ဖြစ်တော့သည်။
သေဆုံးသူ၏ လုံချည်၊ အကျီင်္၊ ခြင်ထောင်၊ မွေ့ယာများကို ခိုက်မှာစိုး၍ ခန်းစီးစများ ချုပ်၍ ဘုန်းကြီးကျောင်း ကိုပို့ကြသည်။
ကုသိုလ်ရအောင်
ဘုန်းကြီးကျော်းတွင် ချိတ်ခိုင်း ဆွဲခိုင်းတော့သည်။
ဒါဆို ဘုန်းကြီးတွေ ကျတော့ ခိုက်စေတဲ့လား . . . ?
သေဆုံးသွားသူ၏ လက်ဝတ် လက်စား၊ ဆွဲကြိုး၊ လက်စွပ်များ ကြတော့ ခိုက်မှာ
စိုး၍ ဘုန်းကြီးကျောင်းကို မလှူကြတော့ ဘူးလား၊
ဘယ်ရောက် ကုန်ပါလိမ့် . . .?
နာရေးယာဉ် (နိဗ္ဗာန်ယာဉ်) ကိုလည်း ရပ်ကွက်ထဲဝင်လျှင် ဟိုဖက်ကဝင်၊ ဒီဖက်က မဝင်ရဘူး စသဖြင့် တားမြစ် သူတွေ၊ မိမိအိမ်ရှေ့တွင် မော်တော်ယာဉ်ခေါင်း လာလှည့်တာကို မလိုချင်၊ နိဗ္ဗာန်ယာဉ်မောင်းသည့် ယာဉ်မောင်း များလည်း ယခင်ကမကြာခဏ လက်သီးနှင့် အထိုး ခံရမှုများ ရှိခဲ့သည်။ လမ်းထိပ်တွင် ကန်တော့ပွဲ ထိုးပေး ခဲ့ရသည်လည်း ရှိသည်။
ဒီလမ်းက နိဗ္ဗာန်ယာဉ်မဝင်ရ၊ မသွားရတဲ့လမ်း စသဖြင့် တားမြစ် နယ်မြေများလည်း ရှိခဲ့သည်။
ရှိနေဆဲပင် . .. ။
ကောင်းပြီ။
ဒါဆိုရင် အဲဒီ့လမ်းကလူတွေက မသေတော့မဲ့ သူတွေများလား . . . ?။
သေခဲ့သည် ရှိသော် မိမိအိမ်မှ လမ်းထိပ်သို့ မိမိတို့ ကိုယ်တိုင်သယ်ပိုပြီး ‘မ’ချမည်တဲ့လား . . . ? ။
နောက် . . . နိုင်ငံရပ်ခြားတွင် သေဆုံး၍ သေဆုံးသူ၏ ခန္ဓာကိုယ်အား
မြန်မာပြည်တွင် သဂြိင်္ုလ်ချင်၍ ပြန်သယ် လာသော အလောင်းများသည် လေယာဉ်ဖြင့်
သယ်ဆောင် လာရခြင်း ဖြစ်သည်။ ထို့ကြောင့် လမ်းထဲ မဝင်ရဘူး၊ ဟိုဘက်က
မထွက်ရဘူး၊ ဒီဘက်က မဝင်ရဘူး၊ အိမ်ရှေ့ကားမကွေ့ရဘူး စသဖြင့် ပြောနေသူများ
စဉ်းစားကြည့်စေချင်သည်။ မိမိတို့ ဦးခေါင်းထက် မိမိတို့၏ နေအိမ်ထက်မှ နေ့စဉ်အလောင်းတင် လေယာဉ်ပျံများ ဖြတ်သန်း နေဆဲ၊ ပျံသန်းနေဆဲပင် ဖြစ်တော့သည်။
နိဗ္ဗာန်ယာဉ်ဝင်တာကိုတော့ မကြိုက်ကြ၊ နိဗ္ဗာန်ယာဉ်ကို မြင်ကြလျှင်တော့
မိမိတို့၏ ပိုက်ဆံအိတ်များကို ပုတ်ကြကာ လာဘ်ရွှင်လို့လား . . .
စဉ်းစားကြပါ. . . ။ သိပ်ရှက်ဖို့ ကောင်းနေပါပြီ။
မိမိတို့၏ စိတ်ဓာတ်များ၊ ခံယူချက်များ၊ အယူသီးမှုများကို ပြန်လည်ပြုပြင်စေလိုပါသည်။ ပြဒါးတစ်လမ်း . . . သံတစ်လမ်း မဖြစ်သင့်တော့ပါ။
ကိုယ့်စိတ်ကို ပြန်စစ်ကြည့်စေချင်သည်။
မှားလား . . . မှန်လား။
မှန်လား . . . မှားလား ဆိုတာ။
မှားရင် . . . ပြင်။
မှန်ရင် . . . ဆက်လုပ် ဖို့က အားလုံးရဲ့ တာဝန် ဖြစ်တော့သည်။
ကျွန်တော် စကားလုံးများနှင့် ရှင်းပြရသည်မှာ များလှပါပြီ။
ထို့ကြောင့် . . . ယခုလူမှုရေးလုပ်ငန်း (နာရေးကူညီမှု) တွင်
အယူသီးမှု၊ အရိုးစွဲမှု၊ အမှားကို လက်ခံနေမှုများကို တိုက်ဖျက်ကြသော
သူရဲကောင်း လူပုဂ္ဂိုလ်များ၏ အကြောင်းအရာ၊ သက်သေခံဓာတ်ပုံများနှင့်တကွ ထပ်မံရှင်းပြပါတော့မည်။
{From Forwarded Mail}
(သိပ်ကိုလေးစားသွားပြီ ဒကာကျော်သူရေ)

(dhammagarden)မှကူးယူဖေါ်ပြပါသည်

မလေးရှားရောက်ရှမ်းမျိုးချစ်များ ဦးခွန်ထွန်းဦးနှင့် ရှမ်းခေါင်းဆောင်များ လွှတ်မြောက်ရေးအတွက် မေတ္တာပို့ဆုတောင်းပွဲကျင်းပ




နိုင်ငံရေးလှုပ်ရှားမှုကြောင့် နှစ်ရှည်လများ ထောင်ကျခံနေရသော ဦးခွန်ထွန်းဦးနှင့် ရှမ်းခေါင်းဆောင်များ လွှတ်မြောက်ရေးအတွက် မလေးရှား နိုင်ငံ တွင်ရောက်ရှိနေကြသော ရှမ်းမျိုးချစ်များတို့သည် ကွာလာလမ်ပူမြို့ရှိ ပူတူးပလာဇာ၌ ၁၀၊၀၂၊၂၀၁၀ နေ့တွင် နံနက် ၁၀း၃၀မှစ၍ ထိုင်းဘုန်း တော်ကြီးကျောင်းတွင် ခေတ္တသီတင်းသုံးတော်မူသော ရှမ်းဘုန်းတော်ကြီးအား ပင့်ဖိတ်ကာ ဆွမ်းကပ် အလှူဒါနပြုခဲ့ပါသည်။

ထောင်တွင်း၌ကျခံနေရသော ဦးခွန်ထွန်းဦးနှင့်တကွ ရှမ်းခေါင်းဆောင်များ လွတ်မြောက် ရေးအတွက် အခမ်းအနား သို့တက်ရောက်လာသူများက အမွှေးတိုင်များထွန်းညှိပေးကြပြီး ဆုမွန်ကောင်းများ တောင်းပေးခဲ့ကြပါသည်။ ရှမ်းဘုန်းတော်ကြီးထံမှ ငါးပါးသီလကို ခံယူတည်ဆောက် ကြပြီးနောက် ဆရာတော်အားနေ့လည်ဆွမ်းကပ်လှူခဲ့ကြကာ ရောက်ရှိလာသူများအား ရှမ်း အစားအစာဖြင့် ကျွှေးမွှေးခဲ့ကြပါသည်။

ညနေပိုင်း ၆း၃၀တွင် ရှမ်းခရစ်ယာန်များတို့သည် စုဝေးကြပြီး ဦးခွန်ထွန်းဦးနှင့် ရှမ်းခေါင်း ဆောင်များ လွှတ်မြောက် ရေးအတွက် အထူးဆု တောင်းပွဲ ပြုလုပ်ခဲ့ပါသည်။ ဆုတောင်းပွဲ အခမ်းအနားတွင် စိုင်းလုံမှ အခမ်းအနားမှူးအဖြစ်ဆောင်ရွက်ပြီး ဦးစွာသမ္မာကျမ်းစာတော်မြတ်ကို ဖတ်ကြား၍ အဖွင့်ဆုတောင်းခဲ့ပါသည်။ ထို့နောက် စိုင်းထွန်းနေမှ ရောက်ရှိလာသော ခရစ်ယာန် ဓမ္မဆရာများ၊ ရှမ်းအဖွဲ့အစည်းမှ ခေါင်းဆောင်များနှင့် လားဟူလူမျိုးများကို မိတ်ဆက်ပေးခဲ့ပါသည်။

စိုင်းဆိုင်မှ ရောက်ရှိသူများအား ကြိုဆိုနှုတ်ခွန်းဆက်စကားများကို ပြောကြားခဲ့ပါသည်။ ထိုင်းနိုင်ငံမှ ရောက်ရှိလာသူ အမေရိကန်လူမျိုး Ps. Ron Grosser ကလည်း ရှမ်းမျိုးချစ်တို့အား တိုက်တွန်းခွန်အားပေးစကားများကို ပြောကြားခဲ့ပါသည်။ စိုင်းကျော်နှင့်စိုင်းခမ်းနွမ်တို့လည်း ရှမ်းခေါင်းဆောင် များ၏ အထုပ္ပတ္တိအကျဉ်းကို ပြောကြားခဲ့ပါသည်။

DSC00826ထို့နောက် Mr. Damian Loke ၏ အားပေးစကားကို ကြားနာခဲ့ရပြီးနောက် ရောက်ရှိလာ သူများ အားလုံးက မလေးရှားရောက် ရှမ်းလူမျိုးများ အားလုံးအတွက် ဆုတောင်းပဌနာပြုခဲ့ပါသည်။ Ps. Samuel Lone သည်လည်း ဦးခွန်ထွန်းဦးနှင့် ရှမ်းခေါင်းဆောင်များအားလုံးလွှတ်မြောက်ရေး အတွက် အထူးဆုတောင်းပေးခဲ့ပါသည်။ Ps. Samuel Lone သည် ထပ်ဆင့်၍ သမ္မာကျမ်းစာနှင့် ပတ်သက်ပြီး တိုက်တွန်းခွန်အားပေးစကားများကို ပြောကြားကာ ရှမ်းအစားအစာများဖြင့် တည်ခင်း ဧည့်ခံကာ အခမ်းအနား ပြီးဆုံးခဲ့ပါသည်။

Sunday, February 7, 2010

07/02/2010...မလေးရှား. ရှမ်းအမျိုးသားနေ့အမှတ်တရ


မင်္ဂလာပါ
မင်္ဂလာရှိသော နှစ်သစ် ၂၀၁၀
အစပြုချိန်မှသည် .... နောင်နှစ်ပေါင်းများစွာတိုင်အောင် ...
အောင်မြင်ခြင်း၊ ပျော်ရွှင်ခြင်း၊ သောကကင်းခြင်း၊ ဘေးရန်ကင်းခြင်း၊
ချစ်ခြင်းမေတ္တာတို့ဖြင့် .... အောင်မြင်ပျော်ရွှင်သော ဘ၀များကို
ပူးပေါင်းတည်ဆောက်နိုင်ကြပါစေကြောင်း နှင့်
သာယာပျော်ရွှင်ဖွယ်ကောင်း၍ ကောင်းမြတ်သော မင်္ဂလာနှစ်သစ်၂၀၁၀ မှအစပြု၍
မင်္ဂလာအပေါင်းနှင့်ပြည့်စုံပြီး အစဉ်ထာဝရ ရွှင်လန်းချမ်းမြေ့ကြပါစေဟု
မိတ်ဟောင်း/မိတ်သစ် များနှင့်ခင်မင်ရင်းနှီးရပါသော
ရပ်နီးရပ်ဝေးမှသူငယ်ချင်းမိတ်ဆွေအပေါင်းတို့အား နှစ်သစ်မင်္ဂလာဆုမွန်
ကောင်းတောင်းဆုပြုအပ်ပါသည်။



(သျှမ်းပြည်အမျိုးသားနေ့ အကြောင်းသိကောင်းစရာ)
သျှမ်းပြည်လူထုခေါင်းဆောင်များနဲ့စော်ဘွားများ ဦးဆောင် ကမကထပြုမှု အရ သျှမ်းပြည်အလယ်ပိုင်းယခင်လိုင်းခါ့ (လဲချား) နယ် ပင်လုံမှာ ၁၉၄၇ ဖေဖေါ်ဝါရီ ၃ - ၁၂ ၊ ၁၀ ရက်ကြာ ကျင်းပခဲ့တဲ့ ဒုတိယ ပင်လုံညီလာခံဟာ ဖေဖေါ်ဝါရီ ၇ ရက် သျှမ်းပြည်အမျိုးသားနေ့ နဲ့ ဖေဖေါ်ဝါရီ ၁၂ ပင်လုံစာချုပ်နေ့ (၀ါ) ပြည်ထောင်စုနေ့ တွေပေါ်ပေါက်စေခဲ့တဲ့ ကမ္ဘာကျော်သမိုင်းဝင်နေ့ရက်များ ဖြစ်ကြပါတယ်။

၁၉၄၆ မတ်ခ်ျ ၂၆-၂၈ ရက် ပထမပင်လုံညီလာခံကျင်းပစဉ် သျှမ်းစော်ဘွားများကောင်စီ (Shan State Saophas Council) ပြန်လည်ဖွဲ့စည်းခဲ့ တုန်းက စော်ဘွားများရဲ့ကိုယ်စားလှယ်တွေပါဝင် ဦးဆောင်တက်ရောက်ခဲ့ကြသလို ခွန်ကြာပု၊ ခွန်ဘဉာဏ်၊ ဒေါက်တာ စိုင်းနော်ခမ်း စတဲ့ လူထု ခေါင်းဆောင်တွေလဲ တက်ရောက်ကြပါတယ်။
[ဖေဖ်ါဝါရီ ၁၂ ရက် ၁၉၄၇ ပင်လုံညီလာခံ]

ဖေဖ်ါဝါရီ ၁၂ ရက် ၁၉၄၇ ပင်လုံညီလာခံ

၁၉၄၆ ဂျူလိုင် ၂၁-၂၇ ရက်မှာ သျှမ်းစော်ဘွားများကောင်စီ SSSC ဥက္ကဌ နမ့်ဆန် ပလောင်စော်ဘွား ခွန်ပန်းစိန် ဦးဆောင်ပြီး (၁၉၂၂ အောက်တိုဘာ ၁ ရက်ကဖွဲ့စည်းခဲ့တဲ့၊ လူထုကိုယ်စားလှယ် တွေမပါဝင်ဘဲအင်္ဂလိပ်ကော်မရှင် နာကိုယ်တိုင် ဥက္ကဌရာထူးယူထား တဲ့) ယခင် ဖက်ဒရယ်ပြည်ထောင်စုသျှမ်းပြည် ( FSSC - Federal Shan State Council) ကို အာခံအံတုဖို့ အစည်းအဝေးတရပ်ကျင်းပခဲ့ကြ ပါတယ်။

အဲဒီအစည်းအဝေးဆုံးဖြတ်ချက်အရ သျှမ်းပြည်လူထု ကိုယ်စားလှယ်တွေနဲ့ စော်ဘွားကိုယ်စားလှယ်တွေအတူ တကွပါဝင်မဲ့ သျှမ်းပြည် ကောင်စီ (SSC) ဖွဲ့စည်းခဲ့ရင် အဲဒီကောင်စီအသစ်ကို လက်ခံအသိအမှတ်ပြုပြီးအာဏာအပ် နှင်းဖို့၊ လက်ရှိ (FSSC) အဟောင်းကို ဖျက် သိမ်းပေးဖို့- ဗမာပြည်ဘုရင်ခံ Governor ထံ ၃၊၂၊၁၉၄၇ နေ့ မှာ ကြေးနန်းစာ ပို့လိုက်ပါတယ်။

၇၊၂၊၁၉၄၇ မှာ အင်္ဂလိပ်ဘုရင်ခံက " FSCC ဥက္ကဌ အင်္ဂလိပ် ကော်မရှင်နာမင်းကြီးသဘာပတိလုပ်တဲ့ နှစ်လည်ကောင်စီ ညီလာခံ ဆုံးဖြတ် ချက်ကလွှဲလို့ ဘယ်ဆုံးဖြတ်ချက်မှ အဓိပ္ပါယ်မရှိကြောင်း၊ အဲဒီ တောင်းဆိုချက်တွေကို စွန့်လွတ် ရုပ်သိမ်းရမှာဖြစ်ကြောင်း” ကြေးနန်းစာ အကြောင်းပြန်ခဲ့ပါတယ်။

ဒါပေမဲ့ အင်္ဂလိပ်ဘုရင်ခံရဲ့ ညွှန်ကြားချက်ကို စော်ဘွားတွေ နဲ့ သျှမ်းပြည်လူထုခေါင်းဆောင်တွေလက်ခံနာယူခြင်း မရှိကြပါဘူး။ စော်ဘွား ကိုယ်စားလှယ် ၇ ဦး နဲ့ လူထုခေါင်းဆောင် ၇ ဦး စီပါဝင်တဲ့ သျှမ်းပြည်ကောင်စီအသစ် ဖွဲ့စည်းတည်ထောင်လိုက်ကြပါတယ်။ ကောင်စီ ဥက္ကဌ စ၀်ခွန်ပန်းစိန်ကဘဲ မူလဘူတရှေ့ပြေးပင်လုံစိတ်ဓါတ်အဖြစ် အောက်ပါ ဦးတည်ချက် ၃ ရပ်ကို လူထုအကြား ရှင်းလင်းချပြခဲ့ပါ တယ်။
(၁) အင်္ဂလိပ်အရာရှိတွေမပါဝင်တဲ့ သီးခြားသျှမ်းပြည်ကောင်စီထူထောင်ရေး
(၂) သျှမ်းပြည်လူထုကိုယ်စားလှယ်များကိုယ်တိုင် ကောင်စီထဲပါဝင်ရေး
(၃) သျှမ်းပြည်လွတ်မြောက်ရေး
အဲဒါနဲ့ပတ်သက်တဲ့ ကြေငြာချက်ကို ရန်ကုန်အသံလွှင့်ရုံဆီပေးပို့လိုက်ပြီး အဲဒီ ၇၊၂၊၁၉၄၇ ညနေမှာ အသံလွှင့်တော့ တပြည်လုံး ဗွက်လောရိုက်သွားတယ်။

ပင်လုံသဘောတူညီချက် လက်မှတ်ထိုးပြီး ၃ ရက်အကြာ ၁၅၊၂၊၁၉၄၇ နေ့မှာ မူလ သျှမ်းပြည်စော်ဘွားများကောင်စီ (SSSC) ကနေ သျှမ်းပြည်ကောင်စီ (SSC) အဖြစ်တရားဝင်ပြောင်းလဲသတ်မှတ်လိုက်တယ်။

ပင်လုံစာချုပ်လက်မှတ်မထိုးခင် တစ်ရက်အလို ၁၁၊၂၊၁၉၄၇ နေ့မှာ (SSC) ဥက္ကဌ စ၀်ခွန်ပန်းစိန်က သျှမ်းပြည်လူမျိုးပေါင်းစုံနဲ့ ပတ်သက် အကြံးဝင်တဲ့ အောက်ပါဆုံးဖြတ်ချက် ၃ ရပ်ဖြစ်တဲ့-
(၁) ဖေဖေါ်ဝါရီ ၇ ရက်ကို အမျိုးသားနေ့အဖြစ်-
(၂) ၀ါစိမ်းနီနဲ့ အဖြူရောင်လ၀န်းအလံကို သျှမ်းပြည်အလံတော် အဖြစ်-
(၃) ခေးတိုင်းခေးရာဇာသီချင်းကို ယာယီအမျိုးသားသီချင်း အဖြစ် - သတ်မှတ်ကြောင်းထုတ်ပြန်ကြေငြာလိုက်တယ်။

လွန်ခဲ့တဲ့ ၆၂ နှစ်ကစပြီး ဖေဖေါ်ဝါရီ ၇ ရက်နေ့ကို သျှမ်းအမျိုးသားနေ့လို့ အစွဲပြုခေါ်ဝေါ်ခဲ့ပေမဲ့ အဲဒီခေတ်ကာလ သမယ အခြေအနေ အရ အနှစ်သာရနဲ့ ဦးတည်ချက်ကတော့ လူမျိုးပေါင်းစုံ သျှမ်းပြည်သူတရပ်လုံးကို ကိုယ်စားပြုဖို့ ရည်ညွှန်းခဲ့တာဖြစ်ပါတယ်။

၁၉၆၂ ဗိုလ်နေ၀င်းဦးဆောင်တဲ့ ဗမာစစ်တပ် အာဏာသိမ်း ပြီးနောက်ပိုင်း အင်္ဂလိပ်တို့ထက် ခွဲခြမ်းစိတ်ဖြာအုပ်ချုပ်မှု ပိုကျင့်သုံးလာလို့ သျှမ်းပြည်လူမျိုးစုများအကြား သပ်လျှိုသွေးထိုး ဖဲ့ထုတ်စည်းရုံး မှုတွေတိုးပွါးလာတယ်။ အဲဒါကြောင့် သျှမ်းလူမျိုးစုတွေလောက်ဘဲအမျိုး သား နေ့ကျင်းပပြီး တခြား သျှမ်းပြည်လူမျိုးစုတွေပါဝင်တာ သိပ်မတွေ့ရတာ ယနေ့တိုင် ဖြစ်ပါတယ်။

နောက်ထပ်ချို့ယွင်းအားနည်းချက်တခုကတော့ နောက်ခံသမိုင်းဖြစ်ရပ်ကိုမလေ့လာတဲ့သျှမ်းတွေ အဲဒီအမျိုးသားနေ့ နဲ့ ၀ါ၊ စိမ်း၊ နီ အ လယ်လ၀န်း ရှိတဲ့ ရှည်းပြည်သူသားကိုယ်စားပြုအလံဟာ မိမိတို့သျှမ်းနဲ့ဘဲသက်ဆိုင်တယ်လို့ယူဆပြီး သျှမ်းနေ့/သျှမ်းအလံအဖြစ် ထင်မှတ်လာကြတယ်။

ဥပမာ - လူမျိုးအလိုက် ယုံကြည်ရာ ဓလေ့ထုံးတမ်းဖြစ်တဲ့ သျှမ်းနှစ်သစ်ကူးပွဲပါမကျန် (လူမျိုးအားလုံးနဲ့သက်ဆိုင်တဲ့) သျှမ်းပြည်အလံ ကို လွှင့်ထူချိတ်ဆွဲတွဲကပ် အသုံးချတာတွေ အပါအ၀င်ဖြစ်တယ်။ သျှမ်းမဟုတ်တဲ့တခြားသျှမ်းပြည် လူမျိုးစုတွေကလည်း အဲဒီအမျိုး သားနေ့နဲ့အလံဟာ မိမိတို့နဲ့ဘာမှမပတ်သက်သလိုနေလာကြတော့အာဏာရှင် ဗမာစစ်အုပ်စု အကွက်ထဲဝင်ပြီးသားဖြစ်သွားတယ်။

သမိုင်းအစစ်အမှန်လှစ်လှန်လိုက်ရင် သျှမ်းပြည်အမျိုးသားနေ့ ဖြစ်တဲ့ ၇၊၂၊၄၇ မရှိရင်ပြည်ထောင်စုနေ့လို့အများ သိကြတဲ့ ၁၂၊၂၊၁၉၄၇ ပင်လုံစာချုပ်နေ့ လဲရှိမှာမဟုတ်သလို ၄၊၁၊၄၈ လွတ်လပ်ရေးနေ့လဲ ရှိမှာမဟုတ်ပါဘူး။ ပင်လုံညီလာခံသာ မဖြစ်ခဲ့ဘူးဆိုရင် ပြည်ထောင်စု အမည်ခံ ကနေ့တိုင်းပြည်ရဲ့အနေအထားလဲတမျိုးတဖုံပြောင်း လဲခဲ့မယ်ဆိုတာ မြေကြီးလက်ခတ်မလွဲဖြစ်တယ် - လို့ သျှမ်းပြည်အရေး လေ့လာသူများက သုံးသပ်ပါတယ်။
 
 

Blogger


လောကဇာတ်ခုံ ၊ ဤလူ့ဘုံ၌
မျိုးစုံကကြ ၊မာန်မာနနှင့်

ငါကရာဇာ ၊ ငါဟာသူဌေး ၊ ငါပဂေးဟု

ငါသွေးတက်ကြွ ၊လူ့ဗာလတို့ များလှဖြာဖြာ

အ၀ိဇ္ဇာနှင့် ၊ တဏှာဘီလူး ၊ အမှောင့်ပူး၍

ကျူးကျူးကျော်ကျော် ၊ ဂုဏ်ကိုဖေါ်လျှက်

မော်မော် မောက်မောက် ၊ ငါတစ်ယောက်သာ

မိုးအောက်တစ်လွှား ၊ ရွှေကိုယ်လားဟု

ထင်မှားမလွဲ ၊ သို့စဉ်စွဲလည်း ...........

ဇာတ်ပွဲပြီးက ၊ ပြေဖုံးချသော်

သုဘရာဇာ ၊ မြေအောက်မှာပင်

ဘာသာလူမျိုး ၊ ချိန်မထိုးပဲ

ပုတ်သိုးခန္ဓာ ၊ မြုပ်ရရှာသည်

ဘယ်မှာ ငါဟု ရှိအံ့နည်း ...... ။
.....